Rio-2016. O'zbekistonlik sportchilarning bugungi ishtiroklari yakunlandi

03:00. Afsuski, bokschimiz britaniyalik raqibiga imkoniyatni boy berib qo'ydi...

02:45. Bahodirning jangi boshlandi! Olg'a, Jalolov!

02:20. Birozdan so'ng Bahodir Jalolov ringga chiqadi.

02:10. Og'ir atletikachilarimiz Rustam Jangibaev hamda Sardorbek Do'stmurodovlar B guruhi bahslarida ishtirok etdilar. Jangibaev yakunda 432 kg natija bilan B guruhida birinchi bo'lgan bo'lsa, Sardor 411 kg natija ko'rsatdi va uchinchi o'rinni qo'lga kiritdi. Endi navbat A guruhi sportchilariga. A guruhida tabiiyki kuchli sportchilar yig'ilgan. Ammo, Jangibaevning natijasi ham chakki emas. Umid qilamizki, u A guruhi bahslari yakuniga ko'ra ham u kuchli uchlikda qoladi :)

01:48. Ajoyib! Bokschimiz ilk raunddayoq raqibini nokautga uchratdi va yarim final yo'llanmasini qo'lga kiritdi. Bu yana kamida bronza degani o'rtoqlar! Barakalla, Murodjon!

01:45. Ahmadalievning argentinalik raqibiga qarshi jangi boshlandi!

01:00. Yana 45 daqiqadan so'ng Murodjon Ahmadaliev jangga chiqadi.

20:40. G'ALABAAAAAAAAAAA. Fazliddin yarim finalda!!!!

20:39. Uchinchi raundda jang ancha keskin kechdi. Boshqacha bo'lishi ham mumkin emasdi. O'rtaga bronza medali tikilgandi. Hakamlarni kutamiz

20:36. Hakamlarning ikki nafariz Fazliddinga, yana biri Rasselga g'alabani taqdim etdi.

20:35. Ikkinchi raund yakunlandi. Natijani intizorlik bilan kutamiz

20:33. Ikkinchi  raund teng kurashlar ostida davom etyapti. Bu raundni ham yutish kerak. SHunda uchinchi raundni bemalolroq o'tkazish mumkin

20.31. Birinchi raundda g'alaba, Fazliddin, shu tarzda davom et

20.29. Birinchi raund yakunlandi. Natijani kutamiz. Bizning foydamizga bo'lishi kerak.

20:23. Bokschimiz Fazliddin G'oibnazarov ishtirokidagi jang boshlandi. Uning chorak finaldagi raqibi amerikalik Garri Rassel.

18:07. Mochalov ushbu bahsda to'rtinchi bo'lib finishga etib bordi va umumiy hisobda Olimpiadada 12-o'rinni egalladi.

17:30. Endi baydarkachimiz Aleksey Mochalov 9-16 o'rinlar uchun kurash olib boradi.

17:13. Afsuski, sportchimiz finishga ettichi bo'lib etib bordi va Olimpiadada ettinchi o'rin bilan kifoyalandi...

17:00. Birozdan so'ng hamyurtimiz Gerasim Kochnev 1000 metrga kanoeda eshkak eshish bahslarining finalida startga chiqadi.


16:15. Bugun quyidagi sportchilarimiz Braziliya arenalarida O'zbekiston sharafini himoya qiladilar:

Gerasim Kochnev - (Kanoeda eshkak eshish, final) - 17:08

Aleksey Mochalov - (Baydarkada eshkak eshish, 9-16 o'rinlar uchun) - 18:12

Valentina Kibalnikova - (Engil atletika, 100 metrga to'siqlar osha yugurish, saralash) - 19:40

Fazliddin G'oibnazarov - (Boks, chorak final) - 20:15

Murodjon Ahmadaliev - (Boks, chorak final) - 01:45

Bahodir Jalolov - (Boks, chorak final) - 02:45

Sardorbek Do'stmurodov - (Og'ir atletika) - 23:30

Rustam Jangibaev - (Og'ir atletika) - 23:30

Yuliya Tarasova - (Engil atletika, uzoqlikka sakrash, saralash) - 05:05

16:10. Assalomu alaykum hurmatli ishqibozlar. Sportchilarimizning Olimpiadadagi ishtiroklaridan matnli translyaciya olib borishni boshlaymiz.