Rio-2016. Sportchilarimiz uchun bugungi chiqishlar yakunlandi

01:30. Do'stmatov navbatdagi bosqichda qozog'istonlik bokschiga qarshi ringga chiqadigan bo'ldi.

01:15. SHu tariqda Olimpiadaning bugungi kunida sportchilarimizning ishtiroklari yakunlandi.

01:12. Jang yakunlandi va hamyurtimiz keyingi bosqichga yo'llanmani qo'lga kiritdi.

01:08. Jang shiddatli va tezkor ravishda bo'lib o'tmoqda. Ikki raund hamyurtimiz foydasiga xal bo'ldi.

01:00. Hamyurtimiz Hasanboy Do'stmatov ringga chiqib keldi.

00:40. Yana ozgina vaqt qoldi...

23:05. Nima deb o'ylaysiz, Do'stmatov bugun raqibini mag'lub etib keyingi bosqichga chiqa oladimi?

22:55. Sportchilarimizdan bugun faqat Hasanboy Do'stmatovning ishtiroki qoldi. U Toshkent vaqti bilan soat 01:00da ringga chiqishi kutilmoqda. Do'stmatovning raqibi meksikalik Velaskes bo'ladi. 

22:30. Rustam To'laganovning keyingi bosqichda kimga qarshi jang qilishi malum bo'ldi. Qiyin bo'lishi aniq!

22:10. Suzuvchimiz Ranoxon Omonova esa 200 metrga suzish bahslarida 8 nafar sportchi ichida finishga... 8-bo'lib etib keldi. Ha, mayli...

22:00. Ajoyib! Bokschimiz raqibini 3:0 hisobida mag'lubiyatga uchratdi va keyingi bosqichga yo'llanmani qo'lga kiritdi! Ura!

21:48. Bokschimiz ringga chiqib keldi! Olg'a, Rustam!

21:35. Rustam To'laganovning jangi biroz kechikmoqda. Ushbu jang avval xabar xabar berilganidek 21:30 da emas, biroz kechroq, aniqrog'i ayni paytda bo'lib o'tayotgan jangdan so'ng boshlanadi.

21:30. Ayni paytda ringda tunislik va italiyalik bokschilar jang o'tkazishmoqda. Ushbu jangda o'zbekistonlik Jasurbek Qurbonov hakam sifatida ishlayapti. 

20:30. Bu orada eshkak eshuvchimiz SHahboz Xolmurodovning ertaga chorak finaldagi raqiblari malum bo'ldi. Sportchimiz ertaga soat 16:30da Indoneziya, Norvegiya, Kuba, Avstraliya va Janubiy Koreyadan tashrif buyurgan sportchilarga qarshi bahs yuritadi.

19:55. Navbatdagi sportchimizning chiqishi bugun 21:30 da bo'ladi. Unda -91 kg vazn toifasida yurtimiz sharafini himoya qiladigan bokschimiz Rustam To'laganov ekvadorlik raqibi Xulio Kastilioga qarshi jang qiladi.

18:40. Dzyudochimiz Mirali SHaripov gollandiyalik raqibiga qarshi tatamiga chiqdi va 0:10 hisobida imkoniyatni boy berib qo'ydi. Afsuski, SHaripov uchun bahslar yakunlandi. Dzyudo bugun biz uchun tugadi!

18:05. O'q otish. 50 nafar sportchi ichida 28-o'rinni egallagan Vadim Skorovarov uchun Olimpiada yakunlandi. Agar u kuchli sakkizlikka kirganida keyingi bosqich yo'llanmasini qo'lga kiritgan bo'lardi.

17:00. Sportchilarimizning bugungi ishtiroklarini akademik eshkak eshuvchimiz SHahboz Xolmurzaev boshlab berdi. U 5 nafar sportchi ichidan finishga ikkinchi bo'lib etib bordi va chorak finalga yo'llanmani qo'lga kiritdi.