RIOZMI murabbiylari karantin kunlari kitob o'qishni tavsiya qilishyapti

Hukumatimiz tomonidan zarurat bo'lmaganida uyni tark emaslik, ko'chaga chiqmaslik tavsiya qilinmoqda. Bu chorlovlarga to'liq rioya qilsak, koronavirus balosini birgalikda engamiz.  

O'zbekiston sport kurashlari associaciyasi mutasaddilari, murabbiy va sportchilarimiz ushbu tavsiyalarga to'liq amal qilishyapti. Karantin kunlarini uy sharoitida mashg'ulot o'tkazish, kitob o'qish, raqiblarni o'rganish bilan o'tkazishmoqda. 

Xususan, terma jamoalarimizga istedodlarni etkazib berishi bilan mashhur bo'lgan Respublika ixtisoslashtirilgan olimpiya zaxiralari maktab internati murabbiylari ham bugungi sinovli kunlarni mazmunli o'tkazishga harakat qilishyapti. 

Maktab internatining sport kurashlari bo'limi murabbiylari - Asror Xo'jamurodov, Ismat Jabborov, Eshpo'lat Hidoyatov, Latif Xalimov, Olim Qurbonov, Dilshod Turdiev, SHuhrat Ro'ziqulov va Sanjar Mashrapovlar turli janrdagi kitoblarni mutolaa qilishyapti. 

SHuningdek. sportchilarimizning raqiblarini o'rganishmoqda. Xorij ilmiy qo'llanmalari asosida mashg'ulotlar uchun yangiliklar kiritish haqida bosh qotirishyapti. O'z o'rnida qolganlarni ham karantin kunlari uyda qolib, faol bo'lishga chaqirishyapti. 

Uyda qoling, kitob o'qing, foydali mashg'ulotlar bilan band bo'ling va BIZ albatta koronavirusni engamiz!