"Rolan Garros". Dunyoning birinchi raketkasi boshladi

Franciya Ochiq chempionatining erkaklar o'rtasidagi bahslarida dunyoning birinchi raketkasi Karlos Alkaraz ilk davrada oson g'alabani qo'lga kiritdi. Ispaniyalik tennischi ATP reytingida 159-pog'onada borayotgan italiyalik Flavio Kobollini 6/0, 6/2, 7/5 hisoblarida taslim etdi.

Bu tennischilarning o'zaro o'tkazgan ilk uchrashuvi edi. Bir soatu 57 daqiqa davom etgan bahsda Alkaraz 3, Kobolli 1 ta eys zarbani amalga oshirgan. Endi Karlos ikkinchi bosqichda Taro Danielga qarshi kortga chiqadi. Yaponiyalik tennischi birinchi davrada avstraliyalik Kristofer O'Konnelldan ustun keldi - 6/0, 6/2, 6/4.