"Rolan Garros". Dunyoning birinchi raketkasi to'rtinchi davrada

Dunyoning birinchi raketkasi Karlos Alkaraz French Open turnirining to'rtinchi davra ishtirokchisiga aylandi. Ispaniyalik tennischi 2 soatu 12 daqiqa davom etgan bahsda reytingning 32-pog'onasidan joy olgan kanadalik Denis SHapovalovni ortiqcha qiyinchiliksiz mag'lubiyatga uchratdi - 6/1, 6/4, 6/2. 

Bu tennischilarning o'zaro o'tkazgan ilk uchrashuvi edi. Ikkala tennischi ham bironta eys zarbasini amalga oshira olmagan. Qo'shxatolar SHapovalovda 10 tani tashkil qildi. Alkaraz esa 1 ta qo'shxatoga yo'l qo'yib, 7 ta breyk qayd etdi. Endi Karlos "Rolan Garros" turnirining to'rtinchi bosqichida italiyalik Lorenco Muzettiga qarshi kortga chiqadi.