Rossiya ayollar kurashi terma jamoasiga bosh murabbiy tayinlandi

Yig'ilishda ikki muhim masala - kattalar o'rtasidagi mamlakat chempionatini o'tkazish hamda Rossiya ayollar kurashi terma jamoasiga bosh murabbiyni tayinlash ko'rib chiqildi. Aslida ayollar kurashi bo'yicha Rossiya chempionati may oyida aynan Tatariston poytaxti Qozon shahrida o'tkazilishi lozim edi. Lekin koronavirus pandemiyasi sabab musobaqa kechroq muddatga qoldirilgandi. 

Federaciya qaroriga ko'ra, 26-27 sentyabr kunlari ayol kurashchilar "Ak Bars" sport arenasida 10 ta vazn toifasida medallar jamlanmasi uchun bahslarga kirishishadi. O'z vaznlarida chempion bo'lgan kurashchilar dekabr oyida Serbiyaning Belgrad shahrida o'tkaziladigan Jahon chempionatida Rossiya terma jamoasi sharafini himoya qilish huquqiga ega bo'lishadi.   

Rossiya ayollar kurashi terma jamoasining yangi bosh murabbiyi sifatida Simeon SHterev tanishtirildi. Bolgariyalik mutaxassis terma jamoaning marhum sobiq bosh murabbiyi Magomed Aliomarovning yordamchisi sifatida ishlab kelayotgandi. Aliomarov may oyida koronavirus infekciyasidan vafot etgandi. Yaqinda esa Simeon SHterevning o'g'li, Bolgariya terma jamoasi azosi Nikola SHterev ham aynan koronavirus sabab bu yorug' olamni tark etdi.