Rossiya Olimpiya qo'mitasi prezidenti Toshkentga keldi + FOTO

Mehmonni Islom Karimov nomidagi Toshkent xalqaro aeroportida O'zbekiston MOQ raisi Rustam SHoabdurahmonov va Qo'mita Bosh kotibi Oybek Kasimov kutib olishdi.

ROQ rahbariga tashrifi davomida Novosibirsk Olimpiya kengashi raisi Igor Korotnev hamrohlik qilmoqda. Mehmonlar kun davomida MOQda ham bo'lib, o'zbek sportining shonli tarixi haqida qimmatli malumotlar olishdi.

 Tomonlar o'rtasida tashkil etilgan uchrashuvda har ikki mamlakat sportini rivojlantirishda o'zaro hamkorlikni yanada kuchaytirish, terma jamoalar o'rtasida qo'shma o'quv-mashg'ulot yig'inlarini ko'paytirish, tomonlar o'rtasida tuzilgan memorandumga muvofiq, tibbiyot, ilm-fan yo'nalishlaridagi yutuqlarni baham ko'rish kabi masalalar muhokama qilindi.

Martabali mehmonga tashrif davomida yurtimizda olib borilayotgan bir qator bunyodkorlik ishlari tanishtirildi.

Jumladan, rossiyalik mehmonlar «Yangi O'zbekiston» bog'i, uning atrofida “Toshkent-2025” yoshlar Osiyo o'yinlari uchun ajratilgan Olimpiya shaharchasi loyihasi, “Tashkent City” majmuasi va boshqa bir qator obektlarda bo'lib, Prezidentimiz boshchiligida olib borilayotgan ishlar haqida malumot olishdi.