Ruslan CHagaev O'zbekiston terma jamoasining JCH-2026`dagi debyutiga munosabat bildirdi

"Futbol bo'yicha O'zbekiston terma jamoasi ham o'zbekistonlik bokschilar kabi juda istiqbolli yigitlardir. Hozir O'zbekistonda sportning rivojlanib borayotgani kishini quvontiradi. Ha, O'zbekiston birinchi o'yinda mag'lub bo'ldi, lekin ularning guruhdan chiqishiga ishonchim komil va o'ylaymanki, ular jahon chempionatida uzoqroq ushlanib qolishadi.

Bokschilar esa umuman alohida mavzu. Bahodir Jalolov, Murodjon Ahmadaliev, SHahram G'iyosov va boshqalar kabi dunyoga tanilgan professionallarga ergashib kelayotgan Xurshidbek Rasuljonov, Lazizbek Fattoev, Azizbek Tojiev kabi yosh yigitlar bor. Bu o'zbek boksining keyingi avlodi. Barcha janglarni kuzatish uchun vaqt unchalik ko'p emas, lekin o'zbeklarning janglarini har doim o'tkazib yubormaslikka harakat qilaman", - dedi CHagaev .

Eslatib o'tamiz, CHagaev 2016 yilda faoliyatini yakunlagan edi. Uning hisobida WBA yo'nalishi bo'yicha jahon chempionlik kamari, Nikolay Valuev va Jon Ruiz ustidan qozonilgan tarixiy g'alabalari bor. SHuningdek, u Aleksandr Povetkin va Vladimir Klichko bilan ringni bo'lishib, ikkalasiga ham yutqazgandi.