Ruslan Nurudinov: “Bu O'zbekistonning g'alabasidir”

Ayniqsa, polvonimiz siltab ko'tarish mashqida 237 kg. toshni ko'tarib, Olimpiada o'yinlarining oltin medali bilan birga Olimpiya o'yinlarining rekordini ham yangilaganda zal larzaga keldi. Barcha-barcha Ruslanni tarixiy g'alaba bilan olqishlay boshlashdi. 

“Juda hayajondaman. Qalbimda kechayotgan his tuyg'ularni ikki og'iz so'z bilan tariflab berolmayman. Bu barcha yurtdoshlarimiz g'alabasidir. Fursatdan foydalanib Davlatimiz va xukumatimiz rahbariyatiga, meni bugun bevosita va bilvosita qo'llab-quvvatlagan barcha-barchaga samimiy minnatdorchiligimni izhor qilmoqchiman”, deydi Ruslan Nurudinov.

“Bugun Ruslan Nurudinov qayd etgan natijani haqiqiy mo'jizaga qiyoslash mumkin, - deydi Xalqaro og'ir atletika federaciyasi prezidenti Tomash Ayan. Bu o'z navbatida O'zbekistonda sport qay darajada taraqqiy etib borayotganligining yorqin isbotidir. Ochig'i, Rio o'yinlarida yurtdoshlaringiz tomonidan qayd etilayotgan natijalar har qancha taxsinga sazovor. Olimpiada o'yinlarida bunday natijalarga o'z-o'zidan erishib bo'lmaydi. Men O'zbekistonda bir necha marotaba bo'lganman va yurtingizda sog'lom turmush tarzini qaror toptirish yo'lida bevosita Davlatingiz rahbari tomonidan amalga oshirilayotgan ishlarga qoyil qolish kerak. Buning samarasi bugun Olimpiya o'yinlarida ham yaqqol qo'zga tashlanmoqda. SHuni ishonch bilan ayta olamanki, Olimpiada o'yinlarining navbatdagi kunlarida ham O'zbekiston sportchilari nimalarga qodirliklarini bir necha bor isbotlaydilar va Olimpiya o'yinlarida sovrindor bo'lgan sportchilaringiz safi yanada kengayadi”.

SHavkat Jalilov, Anvar Ilyasov

Rio-de-Janeyro shahridan tayyorlandi