Rustam Qosimjonov 1-turdan so'ng 2-o'rinda boryapti

Buyuk sarkarda va davlat arbobi Amir Temur tavalludining 680-yilligiga bag'ishlab o'tkazilayotgan ushbu super turnirda dunyo tan olgan to'rt nafar grossmeyster ishtirok etyapti.

Ozarbayjonlik SHaxriyar Mamadiyarov 2013 yili blic yo'nalishida jahon chempioni bo'lgan. Isroillik Boris Gelfand 2009 yilda Jahon Kubogi sohibiga aylangan. Ukrainalik Ruslan Ponomarev 2002-2003 yillarda jahon chempionligiga erishgan. Hamyurtimiz Rustam Qosimjonov esa 17-jahon chempioni xisoblanadi.

Kecha shaxmatchilar uchtadan uchrashuv o'tkazishdi. O'tkazilgan oltita partiyadan faqat bittasida g'olib aniqlandi. Qolgan beshta partiyada kuchlar teng keldi. SHaxriyar Mamadiyarov bitta g'alaba va ikkita durang bilan birinchi kungi bahslardan so'ng 2 ochko bilan peshqadamlik qilyapti.

RustamQosimjonovesauchchalapartiyadahamduranggaerishdi va qo'shimcha ko'rsatkichlarga ko'ra ikkinchi o'rinni egallab turibdi. U avvaliga Ruslan Ponomarev, keyin SHaxriyar Mamadiyarov va so'nggi bahsda Boris Gelfand bilan bilan durang o'ynadi.

Bugun shaxmatchilar yana uchtadan uchrashuvda o'zaro munosabatlariga oydinlik kiritib olishadi. Rustam Qosimjonov bugun ilk uchrashuvda Ruslan Ponomarevga qarshi oq donalarda harakat qiladi.

Malumot uchun, SHaxmat Yulduzlari turnirining umumiy mukofot jamg'armasi 50 ming Amerika Qo'shma SHtatlari dollarini tashkil etadi. G'olib grossmeyster 20 ming dollarga ega bo'ladi.

1-tur natijalari:

Ponomarev - Qosimjonov 0,5:0,5

Gelfand - Mamadiyarov 0-1

Gelfand - Ponomarev 0,5:0,5

Mamadiyarov - Qosimjonov 0,5:0,5

Ponomarev - Mamadiyarov 0,5:0,5

Qosimjonov - Gelfand 0,5:0,5

1-turdan keyingi turnir jadvalidagi holat: 1. Mamadiyarov, 2 ochko; 2-3 Qosimjonov, Ponomarev, 1,5 ochkodan; 4.Gelfand, 1 ochko

Bugun o'tkaziladigan 2-tur juftliklari:

Qosimjonov - Ponomarev

Mamadiyarov - Gelfand

Ponomarev - Gelfand

Qosimjonov - Mamadiyarov

Mamadiyarov - Ponomarev