Rustam SHoabdurahmonov og'ir atletika bo'yicha terma jamoa azolari va nomzodlar bilan uchrashdi

Suhbat chog'ida MOQ rahbari sportchilarga o'tayotgan chempionatda omad tiladi. Bo'lajak Olimpiadada yurtimiz sharafini himoya qilishi kutilayotgan sportchilarga o'z ustilarida ishlashdan to'xtamasliklari, asosiy maqsad Olimpiadada ham yurtimiz bayrog'ini baland ko'tarish ekanligini takidladi.

Takidlash lozim, CHirchiqdagi musobaqa orqali nafaqat Tokio Olimpiadasi, boshlanayotgan yangi to'rt yillik musobaqalari, jumladan 2022 yilda(Xitoyda)gi Osiyo o'yinlari va Parijda 2024 yil o'tkazilishi rejalashtirilgan musobaqa uchun ham munosib nomzodlar ko'zdan kechirildi. 

Quvonarli jihati, ishtirokchilar orasida Sarvarbek Zafarjonov, Murod Namozov va Jamila Panfilova kabi yosh iqtidorlar ishonchli ishtirok etib, o'zlarini ijobiy tomondan ko'rsata olishdi.

Terma jamoa murabbiy va mutasaddilari ushbu sportchilar mehnat qilishdan to'xtab qolishmasa, Parij-2024da ham O'zbekiston sharafini munosib himoya qila olishiga ishonishmoqda.