Safina Sadullaeva "Brilliant liga"ning Cyurix bosqichida medalga juda yaqin keldi

Hamyurtimiz "Brilliant liga"ning Cyurix bosqichida g'oliblik uchun kurash olib bordi. Dunyoning eng kuchli atletlari jam bo'lgan musobaqada Sadullaeva 1 metru 89 santimetr natija bilan qo'shimcha ko'rsatkichlarga ko'ra 4-o'rinni egalladi. 

Ukrainalik Olimpiada chempioni Yaroslava Maguchix kutilganidek "Brilliant liga"ning Cyurix bosqichida ham oltin medal sohibasiga aylandi. U 1.96 metr balandlikni o'ziga bo'ysundirdi. Avstraliyalik Nikola Olislagers 1.93 metr natija bilan kumush medalnii qo'lga kiritgan bo'lsa, xuddi shu balandlikni zabt etgan ukrainalik Irina Gerashchenko bronza medaliga ega chiqdi.    

Eslatib o'tamiz, Safina Sadullaeva Parij-2024 Olimpiadasida 1.95 metr natija bilan ettinchi o'rinni band etgandi. "Brilliant liga"ning final bosqichi 13-14 sentyabr kunlari Belgiyaning Bryussel shahrida bo'lib o'tadi.