05 apr 10:55
Yangiliklar

Boks/MMA

Saidjamshid Jafarovning Daniyar Eleusinovga qarshi jangi markaziy maqomda bo'ladi

Teglar : Saidjamshid Jafarov Daniyar Eleusinov

Avvalroq, prof boksda mag'lubiyat va murosasiz odimlayotgan Daniyar Eleusinov (11-0, 6 KO)ning navbatdagi jangini hamyurtimiz Saidjamshid Jafarovga qarshi o'tkazishi haqida xabar bergan edik.

Ushbu jang rasman o'z tasdig'ini topdi. Ushbu jang 27 aprel kuni Qozog'istonning Almati shahrida tashkil etiladigan "IBA CHempionlar oqshomi"ning markaziy bahsi bo'ladi. Bu malumotni ham tashkilotchilar rasman tasdiqlashdi.

Rio-2016 Olimpiadasi chempioni Daniyar Eleusinov hamda jahon vice-chempioni Saidjamshid Jafarov jangi g'olibi 71 kg vazn toifasida IBA chempionlik kamariga rasmiy davogarga aylanadi.

SHuningdek, ushbu boks oqshomida rossiyalik Magomed Madiev Ekvador vakili Abel Minaga qarshi ringga chiqadi. Ushbu jang 75 kg vaznda tashkil etiladi. Yana bir rus bokschisi Yuriy Osipov 71 kg vazndagi 8 raundlik jangda 2018 yilgi o'smirlar Olimpiadasining kumush medali sovrindori, qozog'istonlik SHayken Talgat bilan to'qnash keladi.