Saken Polatov Osiyo boks konfederaciyasida lavozimga ega bo'ldi

Etiborlisi, ushbu fondga aynan o'zbekistonlik mutaxassis rahbarlik qiladigan bo'ldi. Unga ko'ra, O'zbekiston Milliy olimpiya qo'mitasi raisi o'rinbosari, O'zbekiston boks federaciyasi raisining birinchi o'rinbosari Saken Polatov ushbu fond rahbari etib tayinlandi. 

ASBC (Osiyo boks konfederaciyasi)  rahbari ushbu tashkilot tuzilganini elon qilar ekan, Osiyoda boksni yanada rivojlantirish borasida uzoq muddatlik strategiya ishlab chiqilganini aytdi. 

Kelasi yili ASBC byudjetida yangi Fond uchun malum miqdordagi mablag' ajratiladi. Ushbu pul qitamizda boksi rivojlanayotgan mamlakatlar milliy federaciyalariga ajratiladi. 

Osiyo boks konfederaciyasi Fond so'roviga asosan, bunday mamlakatlarni boks uchun zarur bo'lgan anjomlar, talim kurslari, logistika masalalari va boshqa yo'nalishlar bo'yicha qo'llab-quvvatlaydi.

Fond komissiyasi tarkibida hamyurtimizga besh nafar mintaqaviy vice-prezident ham tayinlangan. 

Unga ko'ra, fond rahbariyati tarkibi quyidagicha ko'rinish olgan:

Saken Polatov (O'zbekiston) - Osiyo boks konfederaciyasi Ijroqo'm azosi, Fond raisi.

Edgar Pikson (Filippin) - Osiyo boks konfederaciyasi Ijroqo'm azosi, Fond raisi o'rinbosari

Favzi Asafra (Falastin) - Falastin boks federaciyasi prezidenti

Raj Kumar Sacheti (Hindiston) - Hindiston boks federaciyasi ijrochi direktori, ASBC prezidenti maslahatchisi

Billi Vong (Makao) - Makao boks federaciyasi vakili

Hamyurtimiz o'z bilim va malakasi evaziga endilikda nafaqat O'zbekiston, balki qitamiz boksi rivojiga ham o'z hissasini qo'shadigan bo'ldi. Fursatdan foydalanib, Saken Djetibaevichga yangi masuliyatli lavozimda muvaffaqiyatlar, omadlar tilaymiz.

O'zbekiston boks federaciyasi matbuot xizmati