Salixov va Valdo Kortes-Akosta taslim etilgan Noche UFC turnirining barcha natijalari bitta sahifada

Dunyoning eng kuchli Ligasining Meksika Mustaqillik kuniga bag'ishlangan to'rtinchi yillik tadbirining markaziy jangida braziliyalik yarim engil vazn vakili Jan Silva amerikalik (kelib chiqishi meksikalik) Xose Delgadoni muddatidan oldin mag'lubiyatga uchratdi.

Dastlabki besh daqiqalikdayoq "Lord" o'z muxlislarini xavotirga solib, nokdaun holatiga tushib qoldi, biroq raqibiga ustunlikni boy bermay, jangni davom ettirdi. Uchinchi raundda esa divizionning kuchli o'nligiga kirishi bejiz emasligini isbotlab, avval Delgadoni nokdaun holatiga tushirdi, so'ngra bo'g'ish usuli bilan jangni muddatidan oldin yakunladi.

Noche UFC 4 turnirining ikkinchi asosiy jangida tashkilotning sobiq chempioni, meksikalik Brendon Moreno murosasiz va raqobatli bahsda amerikalik Jozef Moralesni hakamlarning ayri qarori bilan mag'lub etdi.

Bayram tadbirining uchinchi muhim jangida mag'lubiyat nimaligini bilmay kelayotgan yarim engil vazn vakillari Tommi Makmillen va Marvan Raxiki to'qnash kelishdi. Ikkala sportchi ham nokdaun holatiga tushgan ushbu shiddatli jang amerikalik Makmillenning hakamlar bir ovozdan qabul qilgan qarori bilan yakunlandi.

Boshqa natijalar qatorida rossiyalik yarim o'rta vazn vakili Muslim Salixovning muvaffaqiyatsiz ishtirokini qayd etish lozim: u dastlabki kard (prelims) doirasida chililik Ignasio Baxamondesga hakamlarning bir ovozdan qabul qilgan qarori bilan imkoniyatni boy berdi.

Yusri Belgarui, Tomas Gant va SHon King o'z janglarini muddatidan oldin yakunlab, g'alaba qozonishdi.

Noche UFC 4 turnirining barcha natijalari:

Asosiy kard janglari

Jan Silva Xose Delgadoni sabmishn (ortdan bo'g'ish) qildi – uchinchi raund, 2:57

Brendon Moreno Jozef Moralesni hakamlarning ayri qarori bilna taslim etdi (28-29, 30-27, 30-27)

Tommi MakMillen Marvan Raxikini hakamlarning yakdil qarori evaziga mag'lubiyatga uchratdi (29-27, 29-28, 29-28)

Aleksa Grasso raqibasi Manon Fioroni ochkolar bo'yicha yutdi (29-28, 29-28, 29-28)

Kertis Bleyds Valdo Kortes-Akostani hakamlarning yakdil qarori bilan engdi (29-28, 29-28, 29-28)

Devid Martines Den Igedan ustun keldi (29-28, 30-27, 30-27)

Prelim kard janglari

Tim Elliott Edgar CHayrezni ochkolar hisobiga ko'ra mag'lubiyatga uchratdi (29-28, 29-28, 29-28)

Ignasio Baxamondes Muslim Salixovdan ustun keldi (29-28, 30-27, 30-27)

Yusri Belgarui Jorden Santosni texnik nokautga (zarbalar) uchratdi – birinchi raund, 4:25

Tomas Gantt Drakkar Klozeni sabmishn (uchburchak) qildi – uchinchi raund, 2:46

CHju Rong Rafa Garsiyani hakamlar qaroriga ko'ra mag'lub etdi (29-28, 29-28, 29-28)

SHon King Jessi Rosasni nokaut qildi – birinchi raund, 0:36

Regina Tarin raqibasi Jey Jey Oldrichni hakamlarning yakdil qarori evaziga ko'ra mag'lubiyatga uchratdi (29-28, 29-28, 29-28)