Samarqand pahlavoni - Ikrom SHaripov!

Bu galgi qahramonimiz armrestling bo'yicha terma jamoamiz azosi, ko'plab xalqaro musobaqalar g'olib va sovrindori Ikrom SHaripov bo'ladi. 

Ikrom SHaripov - 2005 yildan armrestling bo'yicha O'zbekiston milliy terma jamoa azosi, ko'pkara Respublika chempionati g'olibi, xalqaro toifadagi sport ustasi. Uning fidokorona mehnati va jismoniy mahorati sabab jahon arenalarida yuksak natijalarga erishgan. Ikki karra jahon chempionati g'olibi Yusup Kadirov rahbarligida viloyat, Respublika va xalqaro miqyosdagi musobaqalarda muvaffaqiyatli ishtirok etib, Vatanimiz sharafini munosib himoya qildi.  

2016 yilning 26-30 aprel kunlari Toshkent shahrida o'tkazilgan Osiyo chempionatida ishtirok etib, oltin medal soxibi bo'ldi. 2021 yil 17-21 avgust kunlari Qozog'istonning Almati shahrida tashkil etilgan Osiyo chempionatida 90 kg vazn toifasida ikki karra Osiyo chempioniga aylanib, milliy terma jamoamizning yuqori o'rinlarni egallashiga hissasini qo'shdi.

2023 yili Samarqand shahrida o'tkazilgan Osiyo kubogi g'olibiga aylandi. SHuningdek, Ikrom SHaripov bir qator nufuzli xalqaro musobaqalarda yurtimiz sharafini munosib himoya qilib, muvaffiyatlarga erishdi.

2022 yil 26-27 fevral kunlari CHexiya davlatida o'tkazilgan GOLEMS HAND xalqaro turnirida bronza medali sovrindori, 2023 yil 20-21 mart kunlari Yaponiyaning Tokio shahrida o'tgan U.A.G TOKYO OPEN ananaviy xalqaro turnirda bronza hamda 2023 yil 26-27 may kunlari Yangi Zelandiyaning Oklend shahri mezbonlik qilgan nufuzli IRON HAND NEW ZEALAND OPEN xalqaro turniri oltin medaliga sazovor bo'lgan.

Ikrom SHaripov etakchi sportchi bo'lishiga qaramasdan, O'zbekiston armrestling federaciyasining Samarqand filiali bo'limida murabbiy lavozimida ishlayapti. Sport klub guruhi asosan Jismoniy imkoniyati cheklangan sportchilar tashkil qilingan bo'lib, para-armrestling milliy terma jamoasiga etakchi sportchilarni tayyorlashda o'z xissasini qo'shdi.  

SHu davr ichida uning shogirdlaridan Qudrat Toshboev shu yilning 24 avgustidan 3 sentyabriga qadar Qozog'istonning Almati shahrida o'tkazilgan para-armrestling (Jismoniy imoniyati cheklangan sportchilar) bo'yicha jahon chempionatida muvaffaqiyatli ishtirok etib, kumush medalni qo'lga kiritdi.  

Ikrom SHaripovning sportda erishgan yutuqlari uchun Samarqand viloyati hokimligi, O'zbekiston armrestling federaciyasi, Osiyo armrestling federaciyasi hamda xalqaro armrestling federaciyasining faxriy yorliqlari bilan taqdirlangan.