Samarqand viloyati bo'ylab 5 muhim tashabbus ijrosi bo'yicha musobaqalar o'tkazildi

Jumladan, Jomboy va Kattaqo'rg'on tumanlarida yosh sportchilar o'rtasida “Armiya va yoshlar” shiori ostida sportning gandbol, basketbol va mini-futbol turlari bo'yicha musobaqalar tashkil etildi.

Etiborlisi ushbu musobaqalarda 250 nafardan ortiq sportchilar g'oliblik uchun kurash olib borishdi.

Ushbu musobaqalar yakunida g'olib va sovrindorlar maxsus medal va diplomlar bilan, shuningdek, esdalik sovg'alari bilan taqdirlanishdi.

Bugunning o'zida Urgut va Ishtixon tumanlarida  sportchi yoshlar ishtirokida “Vatanparvarlik- milliy yuksalish kafolati” shiori ostida  voleybol va yunon-rum kurashi bo'yicha musobaqalar ham o'tkazildi.

Ushbu musobaqalarda jami 200 nafardan ortiq sportchilar g'oliblik uchun kurash olib borishdi.

Musobaqaning g'olib va sovrindorlari mutasaddilar tomonidan  diplom va esdalik sovg'alari bilan taqdirlandi.