01 okt 12:47
Yangiliklar

Triatlon

Samarqandda triatlon bo'yicha O'zbekiston kubogining final bosqichi bo'lib o'tdi

2019 yil 28 sentabr kuni Samarqand shahridagi Respublika eshkak eshish kanali hududida O'zbekiston mudofaasiga ko'maklashuvchi "Vatanparvar" tashkiloti tomonidan O'zbekiston Triatlon Federaciyasi ko'magida triatlon bo'yicha O'zbekiston kubogining uchinchi final bosqichi tashkil etildi.

Musobaqada respublikaning barcha viloyatlaridan 103 sportchi ishtirok etdi. Musobaqalar uch yosh toifasi bo'yicha o'tkazildi: 16-18 yosh (o'smirlar), 19-21 yosh, 22 va undan katta. O'smirlar sprint masofasi: 750 metr suzish, 20 km velosport va 5 km yugurish, 19 yosh va undan katta yoshdagi erkaklar va ayollar esa olimpiya masofasi: 1,5 km suzish, 40 km velosiped va 10 km yugurish masofasini bosib o'tdilar. Takidlash joiz, triathlon bo'yicha O'zbekiston kubogi tarixida birinchi marotaba paratriatlonchi ishtirok etdi: Andijon viloyatidan Rustamjon Sotiboldiyev musobaqa doirasida sprint masofasini bosib o'tdi.

Uch bosqich natijalariga ko'ra, 2019 yilda triatlon bo'yicha O'zbekiston kubogi g'oliblari aniqlandi. Umumjamoa hisobida Toshkent shahri terma jamoasi g'alaba qozondi, ikkinchi va uchinchi o'rinlarni Navoiy va Qashqadaryo viloyatlari jamoalari egalladi.

Musobaqalar eng kuchli triatlonchilarni aniqlash maqsadida o'tkazildi va uning natijalariga ko'ra xalqaro startlarda ishtirok etish uchun O'zbekiston terma jamoalarini shakllantirish rejalashtirilgan.

Triatlon – bu uch bosqich: suzish, velopoyga va yugurishni to'xtovsiz va ketma-ket o'tishdan iborat bo'lgan multisport poygasi.

Triatlon bo'yicha O'zbekiston kubogining 3-final bosqichi natijalari

Kategoriya	Masofa	O'rinlar	G'oliblar	Jamoa	Vaqt
Erkaklar 1997+	Olimpiya	1-o'rin	Valeriy Ponomarenko	Toshkent shahri	2:16:48
		2-o'rin	Abubakir Oxunjonov	Andijon viloyati	02:32:58
		3-o'rin	Musever Salimov	Samarqand viloyati	02:42:05
Ayollar 1997+	Olimpiya	1-o'rin	Alina Hakimova	Navoiy viloyati	02:29:14
Ayollar 1997+	Olimpiya	2-o'rin	Gulnora Ahmedova	Surxandaryo viloyati	02:55:54
Erkaklar 1998-2000	Olimpiya	1-o'rin	Arslon Tursunov	Qashqadaryo viloyati	2:10:53
		2-o'rin	Umidbek Alimov	Toshkent shahri	2:14:43
		3-o'rin	Jahongir Samiyev	Qarshi BO'SM	02:23:41
Ayollar 1998-2000	Olimpiya	1-o'rin	Zulayho Nurullayeva	Navoiy viloyati	2:43:58
Ayollar 1998-2000	Olimpiya	2-o'rin	Latofat Sodiqova	Toshkent shahri	2:53:58
Erkaklar 2001-2003	Sprint	1-o'rin	Kamron Xodjaev	Toshkent shahri	1:06:42
		2-o'rin	Ruslan Karnilov	SHayxontohur O'STK	1:08:58
		3-o'rin	Qobiljon Muhamedov	Andijon viloyati	1:09:51
Ayollar 2001-2003	Sprint	1-o'rin	Sevara Boboqulova	Qashqadaryo viloyati	1:22:06
		2-o'rin	Arina Mirzabekova	Toshkent shahri	1:24:55
		3-o'rin	Maftuna Pardaeva	Jizzax viloyati	1:28:28