Sambo bo'yicha jahon chempionatining tantanali ochilish marosimi bo'lib o'tdi

46-marotaba tashkil etilayotgan mazkur jahon chempionatida jahonning 50 ga yaqin mamlakatidan 400 nafarga yaqin sambochi medallar uchun bahslarga kirishdi.

Uch kun davom etadigan chempionatda erkaklar, ayollar hamda jangovar sambo yo'nalishida 7 tadan vaznda, umumiy hisobda 21 ta medallar jamlanmasi o'ynaladi.

Bugun "Yunusobod" sport majmuasida jahon chempionatining tantanali marosimi tashkil etildi. Unda Turizm va sport vaziri Aziz Abduhakimov, O'zbekiston Milliy olimpiya qo'mitasi raisi Rustam SHoabdurahmonov, MOQ bosh kotibi Oybek Kasimov Xalqaro sambo federaciyasi prezidenti Vasiliy SHestakov, Osiyo sambo uyushmasi prezidenti Alamjon Mullaev, O'zbekiston sambo associaciyasi raisi Alisher Alimov va boshqalar ishtirok etishdi.

Tadbir davomida Vasiliy SHestakov so'zga chiqib, mezbonlik uchun O'zbekistonga minnatdorchilik bildirdi. Aziz Abduhakimov esa yurtimizda sportga, hususan samboga qaratilayotgan etibor, o'zbek sambochilari Osiyo va jahon miqyosida o'z o'rniga ega ekanligi haqida gapirib o'tdi.

Davlat madhiyasidan so'ng tadbirning badiiy qismi bo'lib o'tdi. Estrada xonandalarining chiqishlari muxlislarga hush kayfiyat bag'ishladi.

SHundan so'ng final bellashuvlari boshlandi.