Sanjar Zokirov: "ONE FC menga uch marta chempionlik jangini taklif qildi, lekin..."

"ONE FC tashkiloti menga chempionlik kamari uchun jang qilish imkoniyatini berdi, ammo biz bu taklifni rad etdik. Buning ikkita asosiy sababi bor edi. Birinchidan, agar chempionlik kamarini qo'lga kiritsangiz, shartnomaga ko'ra, uni uch yil davomida himoya qilishingiz kerak bo'ladi. Bu esa boshqa rejalarimizga to'sqinlik qilishi mumkin edi. Qolaversa, taklif qilingan gonorar ham biz kutganimizdek emasdi. Ikkinchidan, O'zbekistondagi MMA muxlislari, asosan UFC'ga qiziqishadi. Boshqa tashkilotlardagi chempionliklar xalqimiz uchun u qadar qiziq emasdek, xuddi etibordan chetda qolgandek tuyuladi. SHuning uchun ham mening asosiy maqsadim va qiziqishim — UFC. ONE FC menga uchinchi marta chempionlik jangi taklifi bilan chiqdi. Oxirgi marta 150 000 AQSH dollari miqdorida gonorar taklif qilishganida, biroz o'ylanib ham qoldim. CHunki bu yaxshigina mablag' edi. Biroq, maqsadim sari intilishni afzal ko'rdim. In SHa Alloh, agar maqsadimizga erishsak, bu pullar hali oldinda, deb o'ylayman", deydi Sanjar Zokirov.

Malumot uchun, hamyurtimiz hozirgacha 14 ta jang o'tkazib, barchasida g'alaba qozongan.