Sanjarbek Rahmonov Xanterga qarshi revansh jangini o'tkazdi

10 raundga mo'ljallangan jang to'liq davom etdi. Yakunda g'olib ochkolar hisobiga ko'ra aniqlandi va unga ko'ra hakamlar bir ovozdan 97-92, 98-91, 98-91 Xanter g'alaba qozonganini qayd etishdi.

Bu Rahmonov uchun faoliyatidagi 16-jang edi. U shu kungacha 12 ta jangda g'alaba qozongan (6 ta nokaut). 1 marta durangga erishgan. Bugungi jangdan so'ng mag'lubiyatlari soni 3 taga etdi.

Qayd etish lozimki, bokschilar 2019 yilning 5 aprelida o'zaro jang qilishgandi va o'shanda hakamlarning shubhali qarori evaziga Keyt Xanter g'alaba qozongandi.