Sarvarbek Zafarjonov Islom birdamligi o'yinlari mutlaq chempioni! + FOTOGALEREYA

Musobaqada og'ir atletikachilarimiz ham muvaffaqiyatli ishtirok etmoqda. 

Hozirgina -89 kg vazn toifasidagi bahslar yakunlandi. 

Quvonarlisi, ushbu vaznda yurtimiz sharafini himoya qilgan Sarvarbek Zafarjonov 3 ta oltin medal sohibiga aylandi. 

Dast ko'tarish mashqida 167 kg bilan Islom birdamligi o'yinlari rekordini o'rnatgan Zafarjonov eng yaqin taqibchisini 5 kgga ortda qoldirib, oltin medalni qo'lga kiritdi.

Siltab ko'tarish mashqida esa 199 kg toshni o'ziga bo'ysundirgan sportchimiz ikkinchi oltin medalni ham o'ziniki qildi. 

Ikki kurash natijasiga ko'ra 366 kg natijani qayd etgan Zafarjonov katta oltin medaliga ega chiqdi.

Sarvarbek Zafarjonovning chiqishidan va taqdirlash marosimidan olingan suratlarni tomosha qiling.

Suratlar muallifi: Anvar Ilyasov