Saudiya Arabistonida o'tkaziladigan turnirga qura tashlandi

Diriyah Tennis Cup musobaqasida Daniil Medvedev, Andrey Rublyov, Stefanos Cicipas kabi tennis yulduzlari ishtirok etadi. Aynan Cicipas turnirning birinchi raketkasi sifatida saralangan. Greciyalik tennischi qura natijasiga o'z ishtirokini to'g'ridan-to'g'ri 1/4 finaldan boshlaydi va bu bosqichda britaniyalik Kemeron Norri yoki avstraliyalik Nik Kirgiosga qarshi kortga chiqadi.

Ikkinchi raqam ostida tasniflangan rossiyalik Daniil Medvedev ham 1/4 finaldan bahslarga kirishadi. U avstriyalik Dominik Tim va germaniyalik Aleksandr Zverev uchrashuvi g'olibi bilan to'qnash keladi. Uchinchi raketka Andrey Rublyov esa shveycariyalik Sten Vavrinka yoki italiyalik Matteo Berrettini bilan kuch sinashadi.

To'rtinchi raqam ostida saralangan amerikalik Teylor Fritcning 1/4 finaldagi raqibi polshalik Xubert Gurkach hamda shveycariyalik Dominik SHtriker uchrashuvidan so'ng aniqlanadi.