12 mar 18:30
Yangiliklar

Boks/MMA

Saul Alvaresning Mungiaga qarshi jangdagi kafolatlangan gonorari malum

Ikkinchi o'rta vazn toifasida mutlaq jahon chempioni Saul "Kanelo" Alvares navbatdagi jangini 4 may kuni o'tkazadi.

Meksikalik shu kuni AQSHning Las-Vegas shahrida mag'lubiyat nimaligini bilmay kelayotgan hamyurti Xayme Mungiaga qarshi ringga ko'tariladi. Kaneloning o'zi ham Premier Boxing Champions promouterlik kompaniyasi bilan bitta jang uchun imzolangan ushbu bahsning o'tkazilishini tasdiqladi.

Malumotlarga qaraganda, Kanelo bo'lajak chempionlik himoya jangidan 35 million AQSH dollari miqdorida kafolatlangan gonorar oladi. Xayme Mungia shu kungacha prof boksda 43 ta jang o'tkazgan bo'lib, ularning barchasida g'alaba qozongan. Hisobida 34 ta nokaut bor.