“Save Aral” marafonining navbatdagi bosqichi Angrenda o'tkazildi

Unda Jismoniy tarbiya tarbiya va sport vazirining birinchi o'rinbosari Ravshan Ermatov ham ishtirok etdi va «shaxsiy namuna» sifatida ommaviy yugurish musobaqasida qatnashdi.

Malumki, O'zbekiston engil atletika federaciyasi tashabbusi bilan respublikamizning 19ta shahri bo'ylab «Yangi nafas» dasturi doirasida “Save Aral” marafoni va yurish bo'yicha ommaviy tadbirlar o'tkazib kelinmoqda. Mazkur tadbirlar Toshkent viloyatida ham davom ettirildi.

Angrendagi ommaviy sport tadbirida ishtirokchilar velopoyga, ommaviy yugurish va yurish musobaqalarida o'z imkoniyatlarini sinovdan o'tkazishdi. Etiborlisi, ushbu tadbirlarda O'zbekiston paralimpiyachilari ham munosib ishtirok etib, o'z matonatlarini ko'rsatdi.

Tadbir yakunida “Save Aral” marafoni hamda yurish bo'yicha ommaviy musobaqaning g'olib va sovrindorlari, shuningdek, tadbirda faol qatnashgan ishtirokchilar ham tashkilotchilar tomonidan rag'batlantirildi.