Sergey Fominning Antaliyadagi yurishi davom etmoqda

Mukofot jamg'armasi 15 000 dollarni tashkil etuvchi ushbu musobaqada hamyurtimiz Sergey Fomin ham muvaffaqiyatli odimlayapti. Mamlakatimizning ikkinchi raketkasi dastlabki ikki bosqichda raqiblarini mag'lubiyatga uchratishni uddaladi va 1/4 finalga yo'l oldi. 

Tennischimiz 1/16 finalda rossiyalik Bekxan Atlangerievni 6/4, 6/2, 1/8 finalda esa turkiyalik Mert Turkerni taslim etdi. Mezbonlar vakili birinchi setning birinchi geymida so'ng kurashni davom ettira olmasligini malum qilgan va buning natasijasida Fomin osonlik bilan keyingi bosqichga yo'l olgan. 

Taqqoslash uchun, Sergey Fomin ATP reytingida 730, Atlangeriev 1363, Turker esa 1657-pog'onadan joy olgan. Turnirda beshinchi raqam ostida tasniflangan hamyurtimiz bugun yarim final chiptasi uchun dunyoning 1080-raketkasi bo'lib turgan rossiyalik Maksim Jukovga qarshi kortga chiqadi.