SHahnoza Mirziyoeva o'zbek para dzyudosida yangi sahifa ochgan Uljon Amrievani tabrikladi

O'zbekiston Respublikasi Prezidenti huzuridagi Ijtimoiy himoya milliy agentligi direktorining birinchi o'rinbosari, Milliy paralimpiya qo'mitasi raisining birinchi o'rinbosari SHahnoza Mirziyoeva kuni kecha Ostona shahrida o'tkazilgan jahon chempionatida oltin medalni qo'lga kiritib, mamlakatimiz tarixida jahon chempioni bo'lgan birinchi ayol para dzyudochi Uljon Amrievani tarixiy g'alaba bilan tabriklab, o'zbek ayollarining haqiqiy matonati va jasoratini butun dunyoga namoyon etgani uchun o'z minnatdorchiligini bildirdi.

O'z navbatida, Uljon Amrieva ham erishilgan ushbu yutuqlari zamirida avvalambor Muhtaram Prezidentimizning nogironligi bo'lgan shahslarga ko'rsatayotgan g'amxo'rliklari, ular uchun yaratib berilayotgan imkoniyatlar yotganini alohida takidladi. 

Istedodli sportchimiz, mazkur yutuq bilan aslo to'xtab qolmasligini va kelgusida bo'ladigan nufuzli xalqaro musobaqalar, jumladan 2028 yil Los-Anjeles shahrida bo'ladigan yozgi Paralimpiya o'yinlarida ham yuqori natijalarni qayd etishga vada berdi.