"SHahrisabz Open"ning birinchi kungi g'oliblari malum FOTOREPORTAJ

Qarshi shahridagi "Vatanparvarlar" bog'ida musobaqaning ochilishiga bag'ishlab o'tkazilgan tantanali marosimda Qashqadaryo viloyati hokimi Zoyir Mirzaev ham ishtirok etib, sportchilarga muvaffaqiyat tiladi va poygaga start berdi.

Erkaklar va o'smirlardan iborat 70 nafardan ziyod sportchilar qariyb 110 km ga yaqin masofani bosib o'tib, qadimiy va go'zal SHahrisabz shahrining Amir Temur xiyoboniga (Oq saroy majmuasiga) etib kelishdi.

Velopoyga ishtirokchilarini SHahrisabz shahar hokimi Akrom Sulaymonov, sektor rahbarlari, Yoshlar agentligi hamda keng jamoatchilik vakillari tantanali ravishda kutib oldi.

Velosportning shosse yo'nalishi bo'yicha guruh poygasida belgilangan finishga birinchi bo'lib Xorazm viloyati sportchisi Umidjon Baxtiyorov etib keldi. Poytaxtlik Edem Eminov ikkinchi bo'lib marra chizig'ini bosib o'tdi. Faxrli uchinchi o'rin esa Toshkent viloyati velopoygachisi Akrom Sunnatovga nasib etdi.

Malumot uchun, mazkur musobaqa O'zbekiston Respublikasi Turizm va sport vazirligi, Qashqadaryo viloyat hokimligi va O'zbekiston velosiped sporti federaciyasi hamda O'zbekiston Milliy olimpiya qo'mitasi hamkorligida o'tkazilmoqda.

Bugun SHahrisabz shahrida musobaqaning kriterium guruh poygasi yo'nalishi bo'yicha g'olib-sovrindorlari aniqlanadi.

Faxriddin CHoriev, saytimizning Qashqadaryo viloyatidagi muxbiri