SHahrullo Mahmudov Osiyo o'yinlariga tayyorgarlik jarayoni bilan tanishmoqda

Xanchjou-2022 o'yinlari 12 ming nafar sportchini jamlashi kutilmoqda. O'zbekiston sport delegaciyasi 33 ta sport turida 400 nafardan ziyod sportchi bilan qatnashishi rejalashtirilgan. Ayni kunlarda ushbu tarixiy Osiyo o'yinlari oldidan Xitoyda bir qator tadbirlar o'tkazilmoqda.

SHu kunlarda qita sportining bir guruh mutasaddilari qatori O'zbekiston Respublikasi Yoshlar siyosati va sport vaziri o'rinbosari, Osiyo og'ir atletika federaciyasi vice-prezidenti SHahrullo Mahmudov og'ir atletika musobaqalarini o'tkazish texnik komissiyasi vakili sifatida o'yinlarga ko'rilayotgan tayyorgarlik jarayonlarini ko'zdan kechirmoqda.

Tayyorgarlik jarayonlari bilan tanishuv asnosida SHahrullo Mahmudovga Osiyo og'ir atletika federaciyasi ijroiy qo'mitasi azolari, Xanchjou-2022 o'yinlarini o'tkazish tashkiliy qo'mitasi vakillari hamrohlik qilmoqda.

Safar davomida O'zbekiston Respublikasi Yoshlar siyosati va sport vaziri o'rinbosari, Osiyo og'ir atletika federaciyasi vice-prezidenti SHahrullo Mahmudov Xanchjou-2022 o'yinlarining og'ir atletika musobaqalari o'tadigan sport inshooti va unda sportchilar, texnik delegatlar, hakamlar uchun yaratilgan shart-sharoitlar bilan tanishdi.

Og'ir atletika musobaqalarini o'tkazish tashkiliy qo'mitasi azolari texnik komissiya vakillariga tayyorgarlik holatlari haqida so'zlab berdi.

O'z navbatida, texnik komissiya azolari, xususan SH. Mahmudov mutaxassislarga og'ir atletika musobaqalarini tashkil etishda yuzaga keladigan texnik-taktik holatlar, musobaqalarni o'tkazish uchun faoliyat ko'rsatadigan har bir bo'lim, hakamlar korpusi, yordamchi volontyorlar ish samaradorligini taminlash borasida kerakli maslahatlarni berib o'tdi.