05 fev 11:40
Yangiliklar

Boks/MMA

SHara Bulletga BAAda jang qilish taqiqlangani aytilmoqda

O'rta vazn toifasidagi rossiyalik UFC jangchisi SHarabutdin Magomedovning endi Birlashgan Arab Amirliklaridagi musobaqalarda jang qila olmasligi haqida xabarlar tarqalmoqda.

Bunga sportchining ko'zidagi jarohati sabab bo'lgan.

"Khaleej Times" nashrining xabar berishicha, SHara Bullet amirlik shifokorlarining talabiga ko'ra, miyaning jiddiy shikastlanishiga olib kelishi mumkin bo'lgan ko'rish bilan bog'liq muammolari tufayli mamlakatdagi turnirlarda qatnasha olmaydi. Sportchiga yaqin manbalar bu xabarlarni rad etmoqda.

Malumot uchun, 30 yoshli Magomedov faoliyati davomida hozirgacha 16 ta jang o'tkazib, 15 g'alaba va 1 mag'lubiyat qayd etgan. U so'nggi jangini 1 fevral kuni angliyalik Maykl Peyjga qarshi o'tkazib, ilk mag'lubiyatini qabul qilib olgandi.