SHavkat Rahmonov qanday holatda UFC chempionlik poygasiga qaytishi mumkinligi aytildi

"Nomad" laqabli Rahmonov oxirgi marta 2024 yil oxirida Ien Gerrini hakamlar qarori bilan mag'lub etganidan keyin oktagonga chiqmagan. Keyinchalik u tizzasidan ikki marta operaciya qilindi va uzoq reabilitaciya jarayonidan o'tdi.

Nashr sportchi haqida shunday yozmoqda: 

"Barcha qiyinchiliklarga qaramay, SHavkat Rahmonov mashg'ulotlarga qaytgan va faoliyatini tiklash uchun navbatdagi urinishni boshlagan. SHifokorlarning fikricha, u kelasi yil janglarga qaytishi mumkin, ammo hozircha rasman hech qanday jang elon qilinmagan.

So'nggi malumotlar Rahmonovning kelajagi atrofidagi noaniqlik saqlanib qolayotganini ko'rsatmoqda. Tizzadagi takroriy jarohatlar MMAning yuqori darajasiga qaytishni ancha qiyinlashtirishi mumkin. Ayniqsa, tayyorgarligi og'ir mashg'ulot yig'inlarini talab qiladigan va uslubi tezkor hamda portlovchi harakatlarga asoslangan jangchi uchun.

SHunga qaramay, hozircha Rahmonov faoliyati yakunlanayotgani haqida gapirishga asos yo'q. Agar u to'liq tiklanib, mashg'ulot yig'ini davomida salomatligi bilan bog'liq muammolarga duch kelmasa, yarim o'rta vaznda yana chempionlik uchun asosiy davogarlar qatoriga qaytishi mumkin. Biroq hozircha uning kutilgan qaytishi hamon savol ostida qolmoqda".