13 sen 13:46
Yangiliklar

Boks/MMA

SHavkat Rahmonovning jamoasi uning oktagonga qaytishining yangi muddatini malum qildi

UFC yarim o'rta vazn toifasida mag'lubiyat nimaligini bilmay kelayotgan SHavkat Rahmonov tizzasidagi navbatdagi operaciyadan so'ng mashg'ulotlarni qayta boshladi va u oktagonga rejalashtirilganidan ertaroq qaytishi mumkin.

Bu haqda "Vestnik MMA"ga bergan intervyusida "Nomad"ning greppling va jiu-jistu bo'yicha murabbiyi Azamat Bakitov malum qildi.

"Hozir SHavkat hali tiklanish jarayonida. Bir yarim-ikki oydan keyin u kurashishni boshlaydi, hozircha esa faqat tosh ko'tarish va boks bilan shug'ullanmoqda. Qaytishini yil oxiriga kutyapmiz, katta ehtimol bilan", – dedi qozog'istonlik mutaxassis.

2024 yilning dekabridan buyon oktagonga chiqmagan SHavkat Rahmonov yaqinda bergan intervyusida joriy yilning oxiri yoki kelasi yilning boshida navbatdagi himoya jangini o'tkazishni rejalashtirayotgan UFC yarim o'rta vazn toifasida amaldagi chempion Islam Maxachev uchun eng qiyin sinov bo'lishini aytib o'tgandi.

Avvalroq qozog'istonlik jangchining menejeri Sayat Abdraxmanov o'z mijozining qaytish muddatlari haqida gapirar ekan, 2027 yilning boshini nazarda tutgan edi.