SHaxmat Olimpiadasi. Qizlarimiz mezbonlarni taslim etishdi

Kecha o'tkazilgan 5-tur uchrashuvida ayollar terma jamoamiz ham g'alaba qozondi. Mezbonlarning Ozarbayjon-3 jamoasiga qarshi kechgan uchrashuvda qizlarimiz 3:1 hisobidagi g'alabani tantana qilishdi.

Nafisa Mo'minova va Gulruhbegim Tohirjonova o'z raqibalarini mag'lubiyatga uchratishdi. Irina Gevorgyan va Nodira Nodirjonova esa raqibalari bilan durang o'ynashdi. Ushbu g'alabadan so'ng terma jamoamiz qo'shimcha ko'rsatkichlarga ko'ra 35-o'rindan 23-o'ringa ko'tarilib oldi.

O'n ettinchi o'rindagi Isroil terma jamoasida ham 3ta g'alaba va ikkita mag'lubiyat bor. Ertaga qizlarimiz Sloveniya terma jamoasiga qarshi dona surishadi. Bugun Olimpiadada dam olish kuni sifatida elon qilingan.