SHayh Ahmad Al-Fahad Al-Sabax Islom Karimov nomidagi ilmiy-marifiy yodgorlik majmuasiga tashrif buyurdi

Mehmon tashrifining birinchi kunida O'zbekiston Milliy olimpiya qo'mitasi rahbari Umid Ahmadjonov hamda Jismoniy tarbiya va sport vaziri SHoakrom Isroilovlar bilan uchrashuv o'tkazgandi.

Bugun martabali mehmon O'zbekiston Respublikasining birinchi Prezidenti Islom Karimov nomidagi ilmiy-marifiy yodgorlik majmuasiga tashrif buyurdi. U erda martabali mehmon Islom Karimovning rafiqasi Tatyana Akbarovna Karimova bilan uchrashuv o'tkazdi. Uchrashuvda shuningdek, O'zbekiston Respublikasi Jismoniy tarbiya va sport vaziri SHoakrom Isroilov hamda Milliy olimpiya qo'mitasi Bosh kotibi Jasur Matchanovlar ham ishtirok etishdi. Suhbat davomida tomonlar marhum Prezidentga oid xotiralarni yodga olishdi.
"Islom Abdug'anievichga hurmatim baland edi. Biz bilan uchrashishga rozi bo'lganingiz uchun minnatdorchilik bildiraman. Hamdardligimni qabul qilgaysiz. Sizga eng yaxshi tilaklarimni tilayman.

Men O'zbekistonni juda yaxshi ko'raman. Islom Karimov sportga katta etibor qaratar edi. Bugunga kelib, u kishining shogirdi, izdoshi SHavkat Mirziyoev mamlakatda jismoniy tarbiya va  sportni rivojlantirish, Olimpiya harakatini yangi bosqichga olib chiqish yo'lida juda katta islohotlarni amalga oshirmoqda va bu tahsinga sazovor. Ishonchim komilki bu qilinayotgan sayi harakatlar yaqin kelajakda o'z mevasini beradi", - dedi Al-Sabax.

O'z navbatida Tatyana Karimova o'zbek sporti rivojida Al-Sabaxning ham o'rni borligi haqida gapirib o'tdi.
"Mamlakatimiz sporti muvaffaqiyatlarida sizning ham hissangiz katta. SHuningdek, Osiyo qitasida ham sport taraqqiyoti va rivoji yo'lida samarali ish olib boryapsiz. Islom Abdug'anievich sizni hurmat qilardi. Bugungi kunda mamlakatimiz rahbari SHavkat Miromonovich marhum prezidentimizning xotirasini abadiylashtirishga katta etibor qaratmoqda", - dedi Tatyana Karimova.

Uchrashuv yakunida Tatyana Akbarovna mehmonlarga esdalik sovg'asini, shuningdek, O'zbekiston Respublikasining birinchi Prezidentining xayot yo'li va faoliyatiga bag'ishlangan ajoyib kitobni tuhfa etdi. Tomonlar ushbu kitobni tomosha qilishar ekan, Islom Karimov bilan bog'liq yorqin xotiralarni yodga olishdi.

SHuning bilan Osiyo Olimpiya Kengashi va Milliy Olimpiya qo'mitalari Associaciyasi Prezidentining mamlakatimizga amalga oshirgan tashrifi nihoyasiga etdi. Bugun SHayh Ahmad al-Fahad al-Sabax Toshkentdan Tehronga jo'nab ketadi.