11 avg 13:20
Yangiliklar

Boks/MMA

SHohjahon Ergashev menejerlik qilayotgan yana bir hamyurtimiz MMAda oktagonga chiqadi + POSTER

Bu haqida ayni paytda Moskva shahrida bo'lib turgan SHohjahon Ergashevning o'zi saytimizga xabar qildi.

Unga ko'ra, hamyurtimiz Doston Bozorov 15 avgust kuni Moskva shahrida o'tkaziladigan MMA turnirida oktagonga chiqadi. Bu 22 yoshli Doston uchun faoliyatidagi ikkinchi jang bo'ladi. U debyut jangida g'alabaga erishgandi. Bozorovning raqibi qirg'izistonlik 23 yoshli Tolkun Mamatov bo'ladi. Jang chempionlik kamari uchun kechadi.

Eslatib o'tamiz, avvalroq Moskvadagi MMA oqshomida yana bir yurtdoshimiz, 1998 yilda tavallud topgan Temur Saidovning ham jang o'tkazishi haqida xabar bergan edik. Saidovga qirg'izistonlik Kanbolot Aytibay uulu raqiblik qiladi. Har ikki MMA jangchimiz o'z mashg'ulotlarini SHohjahon Ergashevga tegishli "Shohjahon_Gym"da o'tkazadi.