SHon O'Melli: "Volkanovski Maxachevni engmasa, bilmadim yana kim mag'lub etadi..."

Eng engil vaznda amerikalik UFC jangchisi, 28 yoshli SHon O'Melli (16-1-1) engil vazn chempioni, rossiyalik Islam Maxachev (23-1)ning yarimengil vazn chempioni, avstraliyalik Aleksandr Volkanovski (25-1)ga qarshi bo'lajak himoya jangi haqida gapirdi.

Islam Maxachev — Aleks Volkanovski jangi 11 fevral kuni Avstraliyaning Pert shahrida tashkil etiladigan UFC 284 turniri doirasida bo'lib o'tadi.

"Aleksning Maxachevni mag'lub etishi juda qiyin bo'ladi. Ammo Volkanovski Islam uchun ko'pchilik o'ylaganidan-da ko'proq qiyinchilik tug'dira oladi, degan fikr ham bor. U hatto g'alaba qozonishi ham mumkin. Agar Volkanovski Maxachevni mag'lub eta olmasa, bilmadim uni kim yuta olar ekan?", - dedi O'Melli Helen Yee Sports axborot nashriga bergan intervyusida.

SHon O'Melli so'nggi bor 2022 yilning 22 oktyabr sanasida Abu-Dabi (BAA)da tashkil etilgan UFC 280 musobaqasi doirasida rossiyalik Petr Yan (16-4)ga qarshi oktagonga ko'tarilib, hakamlarning qarori evaziga g'alaba qozongan edi.