SHosse yo'nalishidagi bahslar yakunlandi, navbat trek dasturiga

Unda ishtirok etgan O'zbekiston terma jamoasi 2 ta oltin, 4 ta kumush va 3 ta bronza, jami 9 ta medalga sazovor bo'ldi. O'zbekiston velosiped sporti federaciyasining malum qilishicha, ushbu natija bilan terma jamoamiz 27 davlat orasida uchinchi o'rinni egalladi. Garchi yurtdoshlarimiz Parij-2024 Olimpiadasiga to'g'ridan to'g'ri yo'llanma beruvchi yo'nalishlarda shohsupaga ko'tarila olmagan bo'lishsada, qimmatli reyting ochkolarini o'z hisoblariga yozdirib qo'yishdi. Musobaqada sportchilarimiz quyidagi yo'nalishlarda shohsupaga ko'tarilishdi:

Oltin medal:
Olga Zabelinskaya (individual start poygasi, kattalar)
Yanina Kuskova (individual start poygasi, U-23)

Kumush medal:
Aralash jamoaviy poyga (kattalar)
Aralash jamoaviy poyga (U-23)
Asal Rizaeva (individual start poygasi, U-20)
Yanina Kuskova (guruh poygasi, U-23)

Bronza medal:
Aralash jamoaviy poyga (U-20)
Asal Rizaeva (guruh poygasi, U-20)
Begzod Rahimboev (guruh poygasi, U-23)

Terma jamoamiz ayni paytda Tailanddan Malayziyaga etib bordi. Sportchilarimiz endilikda 19 iyun kuniga qadar trek yo'nalishida qita birinchiligi uchun bahs olib borishadi.