SHukurjon Rahimov bugungi jangi oldidan nimalar dedi?

Murat Gassiev jamoasi tarkibida ishtirok etayotgan SHukurjon Rahmimov saytimiz uchun jang oldi fikrlarini bildirib o'tdi:

"Jangga tayyorgarlik yaxshi bo'ldi. Yangi yil bayramini ham mashg'ulot bilan o'tkazdik. Xudo xohlasa, jangda natija ham yaxshi bo'ladi. Raqibimni o'rganib chiqdim. U chapaqay, yaxshi natijalarga  erishgan bokschi. 1 oy davomida dietolog nazoratida bo'ldik. 8 kg.ga yaqin vazn tashladim. Bu erda har kuni tongda vaznimizni o'lchaymiz. Albatta, vazn tashlashda qiyinchiliklar bo'ladi. Bu erga oddiy sportchilar kelmagan. Raqibim ham o'ziga yarasha kuchli" - dedi SHukurjon Rahimov.

Eslatib o'tamiz, janglar bugun soat 21:30 dan boshlab «Match TV» kanali orqali jonli translaciya qilinadi. Boks oqshomining ilk juftligida aynan SHukurjon Rahimov Ara Gaboyanga qarshi jang o'tkazadi. 

Bundan tashqari, boshqa bir hamyurtimiz Odiljon Aslonov ham mezbon bokschi Andrey Efremenkoga qarshi ringga ko'tariladi. "Olamsport.com" sayti har ikkala bokschimizga omad tilaydi.

Xurshida Abdiqulova suhbatlashdi