06 iyu 16:56
Yangiliklar

Suv sporti turlari

Sinxron suzuvchilarimiz Jahon kubogining super finalida qatnashishdi

Ispaniyaning Ovedo shahrida sinxron suzish bo'yicha Jahon kubogining super finali o'tkazildi.

Mazkur nufuzli musobaqada O'zbekiston terma jamoasi azolari ham ishtirok etishdi. Diana Onkes, Ziyodaxon Toshxo'jaeva hamda Anna Vashenkolardan iborat terma jamoamiz azolari ikki dastur bo'yicha o'z mahoratlarini namoyish qilishdi.

Dastlabki kun hamyurtlarimiz texnik duet mashqida chiqish qilishdi va ularning bajargan mashqlari hakamlar tomonidan 194.4066 ballga loyiq topildi. Ikkinchi kunda esa qizlarimiz erkin dastur bo'yicha bahslarda qatnashdilar. Qizlarimiz bu yo'nalishda 152.2250 ball jamg'arishdi.

SHu tariqa, sinxron suzish bo'yicha jahon kubogining super finali yakuniga etdi. Qiziqarli bahslar yakunida hamyurtlarimiz ikkala dastur bo'yicha ham 8-natijani qayd etishdi.