Sirdaryoda aholi orasida ommaviy sog'lomlashtiruvchi mashg'ulotlar tashkil etildi

Davlatimiz rahbari SH.Mirziyoev Sirdaryo viloyatiga tashrifi davomida, faollar bilan o'tkazilgan uchrashuvda yurtdoshlarimizni sog'lom turmush tarziga o'rgatish, ularni jismoniy tarbiya va sportga faol jalb etish, to'g'ri ovqatlanish, aholida ortiqcha vazn paydo bo'lishi natijasida qand kasalligi, shuningdek, turli yuqumli bo'lgan kasalliklarning kelib chiqishini oldini olish maqsadida aholi orasida sog'lomlashtiruvchi jismoniy mashqlarni keng ommalashtirish hamda ularga qulay sharoitlar yaratishga alohida etibor qaratish zarurligi, bu borada Oqoltin tumani tajribasi asosida aholi orasida sog'lom turmush tarzini ommalashtirish taklifini ilgari surgan edilar.

Mazkur vazifalar ijrosini taminlash, shuningdek aholi o'rtasida sog'lom turmush tarzini targ'ib qilish maqsadida bugun erta tongdan Sirdaryo viloyatining Oqoltin, Xovos, Sirdaryo, Sayxunobod, Mirzaobod, Boyovut tumanlari hamda Guliston va SHirin shaharlari aholisi, jumladan, keksalar va nuroniylar, xotin-qizlar, yoshlar, korxona-tashkilotlarda faoliyat yuritayotgan xodimlar o'rtasida sog'lomlashtiruvchi badantarbiya mashg'ulotlari hamda «Sog'lom hayot uchun 5000 qadam» shiori ostida ommaviy yurish sport tadbirlari tashkil etildi.

SHuni alohida takidlash lozim, aholi tomonidan «Sog'lom hayot uchun 5000 qadam» akciyasi ijobiy qabul qilinib, ishtirokchilar safi tobora kengayib bormoqda. Xususan bugungi ertalabki badantarbiya va yurish sport tadbirlarida ham 15 mingga yaqin aholi ishtirok etdi.