Siril Gan jamoasi Frensis Ngannu bilan revansh jangini so'rayapti

"Men keyingi jangimiz Franciyada, Ngannu bilan bo'lishini xohlayman. Ehtimol, UFC bu haqida unchalik ham bosh qotirmayotgandir. Agar, ular Frensis bilan yuzaga kelgan muammonni hal qilsa, uni Jon Jons bilan jang qilishga undaydi.

Menejer sifatida yana shuni ayta olamanki, Siril Frensis bilan jangdan ko'p pul topdi, uning vaqti ko'p. Biz olti-etti oy kutishimiz mumkin, bu vaqtda ular Frensis bilan bog'liq muammolarni hal qilishi ham mumkin. Menimcha, jang yaqin, yaqin oradagi janglar haqida gap ketganda, biz har doim revanshlar haqida gaplashamiz, chunki, bu ahamiyatga ega. 

Agar, mendan so'rasangiz, men menejer sifatida Parijda revansh jangini o'tkazardim. Agar, ular Parijda jang qilsa, Frensis ko'p pul ishlab oladi. Franciya, Afrika bu jang uchun aqldan ozgan. Frensisning ko'pchilik muxlislari — Parijda yoki umumiy Evropa qitasida yashovchi afrikaliklardir. Agar, bu jang Franciyada tashkillashtirilsa, bu shunchaki, "bomba" bo'ladi", —   deya takidlab o'tgan franciyalik mutaxassis o'z intervyusida.

Eslatib o'tamiz, og'ir vazn toifasidagi jang 22 yanvar sanasida, Anaxaymda, UFC 270 turniri doirasida bo'lib o'tdi. Unda ochkolar evaziga Frensis Ngannu g'olib deb topildi.