Sobiq Bellator chempioni Vadim Nemkovga jang berildi

Rossiyalik aralash yakkakurash ustasi shu oy jang o'tkazishga rozilik berdi. Bu haqda Nemkovning jamoasidagilar xabar berishdi. 

"Vadimning jangi tasdiqlandi. SHu kunlarda raqib elon qilinadi", - deyiladi xabarda. 

Aslida u 25 yanvar kuni BAAning Dubay shahrida tashkil etiladigan Bellator Champions Series turnirida oktagonga chiqishi kerak. Uning bu turnir kardida qolish yoki boshqa sana va manzilda jang qilishi hozircha nomalum. Vadim avvaliga sobiq PFL chempioni Ante Deliya bilan jang o'tkazishi kerak edi. Lekin Ante jangdan "echildi". Keyin rossiyalikning amerikalik Kori Andersonga qarshi jangi belgilandi. Ammo bu safar Nemkov bu jangdan bosh tortdi. 

Malumot uchun, o'tgan yilning fevral oyida Vadim Nemkov og'ir vazn toifasida muvaffaqiyatli debyut qilgandi. O'shanda u Ar-Riyodda o'tgan PFL va Bellator promoushenlarining qo'shma turnirida sobiq PFL chempioni Bruno Kappelozzani ikkinchi raundda qo'ldagi uchburchak usuli orqali mag'lub etgandi. Keyin oktyabr oyida 32 yoshli Vadim PFL superchempionligi uchun kechgan Frensis Ngannu va Xenan Ferreyr jangi uchun zaxira varianti bo'ldi.