Sobiq futbolchi, boks bo'yicha Osiyo chempioni bo'lgan sportchi bilan intervyu

Etiboringizga, sportchimiz bilan uyushtirilgan qisqa intervyuni taqdim etamiz.

O'zi haqida qisqacha

Ism sharifim - Mullajonov Lazizbek, Farg'ona shahrida yashayman. Murabbiyim SHerzod Husanov va G'anisher To'ychievlar.


Futbol va boks haqida

Bokschga kirib kelishim... Oldin to'g'risi futbolchi bo'lganman. Jamoa safida to'p tepardim. Keyinchalik, murabbiyim SHerzod Husanov sababli boksga kirib kelganman. SHu bilan boksga qiziqib, musobaqalarda g'olib bo'lib, bokschi bo'lganman.

Farg'onaning "Neftchi" jamoasida, ikkinchi liga o'yinlarida ishtirok etardim.

Boksdagi kumiri

Kumirim Roy Jons. Uning ringdagi turli rang-barang harakatlari menga yoqadi. Aynan ushbu bokschiga qarab intilaman. Ayni paytda +91 kg vazn toifasida ringda jang qilaman.


OAVni kuzatish

Albatta kuzatib boraman. Mashg'ulotlardan so'ng atrofda sodir bo'layotgan voqealardan boxabar bo'lish uchun internet tarmog'iga kirib turaman.


Sportning yana qaysi turiga qiziqadi?

Futbolga qiziqaman. Mashg'ulotlardan so'ng ham murabbiylarimiz ko'rsatmasiga ko'ra futbol, basketbol, regbi o'ynaymiz.
Boks mashg'ulotlari, haftalik yig'inlar oldidan reja tuziladi. O'sha rejadan futbol o'ynash ham o'rin olgan bo'ladi.

Kelajakdagi rejalar, niyatlar...

Har bir sportchi uchun eng katta yutuq bu Olimpiada o'yinlari g'olibligi hisoblanadi. SHu qatori mening ham maqsadim shu: Olimpiadada g'alaba qozonib, vatanimiz bayrog'ini yuqoriga ko'tarib yurishdir.


Sevimli ovqati: Tayyorlashni biladimi?

Osh, somsa kabi taomlarni yaxshi ko'raman. Lekin, tayyorlashni bilmayman.


Qanday qo'shiqlar tinglaydi?

O'zbekcha qo'shiqlardan SHoxruxxonning taronalarini eshitaman. Keyin, asosan jangga kayfiyat beradigan horijiy qo'shiqlar eshitaman.

Aziz To'xtamurodov