14 okt 16:49
Yangiliklar

Boks/MMA

Sobiq UFC jangchisi Jalgas Jumagulovning navbatdagi jangi sanasi va raqibi malum

O'ta engil vazn toifasida qozog'istonlik sobiq UFC jangchisi Jalgas Jumagulov (14-9-0) navbatdagi jangi tafsilotlarini malum qildi.

35 yoshli qozoq jangchisi "RB Sport" nashri bilan suhbatda 2 dekabr kuni Qozog'istonning Naiza FC ligasida oktagonga ko'tarilishini aytgan. Unga o'sha kuni braziliyalik Yago Ribeyro (12-3-0) raqiblik qiladi.

Bu Jalgasning UFC'dan ketganidan keyin o'tkazadigan ilk jangi bo'ladi. Jumagulov Naiza'ni tanlaganiga sabab sifatida, qozoq MMAsining o'z vatanida rivojlanishi uchun hissasini qo'shish ekanini aytgan.

Eslatib o'tamiz, Jalgas Jumagulov UFC'dagi so'nggi jangini iyun oyida Joshua Vanga qarshi o'tkazib, ochkolar hisobiga ko'ra mag'lub bo'lgan edi. U so'nggi to'rtta jangida g'alaba nima ekanini bilmay kelmoqda.