07 noy 18:42
Yangiliklar

Gandbol

SO'EAIBO'SM-1 jamoasi Xorazm viloyati chempioni

Teglar : Gandbol

Urganch shahridagi “Yoshlik” sport majmuasi manejida 2003-2004 yillarda tug'ilgan qizlar jamoalari o'rtasida gandbol bo'yicha Xorazm viloyati birinchiligi nihoyasiga etdi.

Musobaqada Yangibozor, Yangiariq, Gurlan, Bog'ot va Urganch tumanlari, shuningdek, Sport o'yinlari va engil atletikaga ixtisoslashtirilgan bolalar-o'smirlar sport maktabining “Yoshlik”, SO'EAIBO'SM-1 va SO'EAIBO'SM-2 jamoalari g'oliblik uchun maydonga tushdi.

Yakuniy natijalarga ko'ra, SO'EAIBO'SM-1 jamoasi (murabbiyi Mansur Bobojonov) viloyat chempioni nomiga sazovor bo'ldi. SO'EAIBO'SM-2 esa shohsupaning ikkinchi pog'onasidan joy olgan bo'lsa, Bog'ot tumani jamoasiga uchinchi o'rin nasib etdi.

- Gandbolchilarimizning muvaffaqiyati sport maktabimiz trenerlari va ishchi xodimlarini juda quvontirdi. Ushbu yutuqni mahorat dargohida olib borilayotgan say-harakatlar samarasi, deb bilaman. Ishonchim komilki, kelgusida sportchilarimiz bundan ham yuqori marralarni egallashadi, - deydi Sport o'yinlari va engil atletikaga ixtisoslashtirilgan bolalar-o'smirlar sport maktabi direktori Jamoladdin Abdullaev.

Musobaqaning yopilish marosimida g'olib va sovrindor jamoalar tashkilotchilar tomonidan tegishli darajada taqdirlanishdi.