So'xliklar o'z salomatliklari yo'lida 5 000 qadam yurishdi

Tadbirda sektor rahbarlaridan So'x tumani hokimi S.Sayidmusaev, tuman prokurori F.Abduvaliev hamda tuman IIB boshlig'i, polkovnik B.Rahimberdiev, tumandagi davlat tashkilotlari va huquqni muhofaza qilish organlari xodimlari, tuman jismoniy tarbiya va sport bo'limi, xalq talimi bo'limi, maktabgacha talim bo'limi, bolalar-o'smirlar sport maktabi, «Vatanparvar» tashkiloti ishchi-xodimlari faol qatnashishdi.

Etiborli jihati, mazkur salomatlik akciyasida tuman hokimining «shaxsiy namuna» sifatidagi ishtiroki qolganlarni ham o'z salomatligi haqida jiddiy qayg'urishga undaydi.

Ishtirokchilar dastlab ertalabki badantarbiya mashqlarini bajarishdi. So'ngra «Salomatlik uchun 5 000 qadam» shiori ostida qariyb 5 kilometr masofani yurib o'tishdi. Ushbu ommaviy tadbirda So'x tumanining 2 000 nafardan ziyod aholisi ishtirok etdi.