Sport haftaligi doirasida Do'stlik sport festivali tashkil etildi

Mazkur festivalda azaldan qardosh xalqlar hisoblangan o'zbek va turkman yoshlari bir safda turib, ommaviy sport tadbirlarida ishtirok etishdi.

Malumot o'rnida, bugungi kunda Urganch davlat universitetida 1 500 nafarga yaqin chet el fuqarolari (asosan Turkmaniston Respublikasi yoshlari) tahsil olishadi. Ulardan qariyb 1 000 nafari ayni damda talim muassasasining «Talabalar turar joyi»da istiqomat qiladi.

Bugungi pandemiya sharoitida talaba yoshlarni ommaviy sportga keng jalb qilish, ikki xalq yoshlari orasida o'zaro madaniy-do'stlik aloqalarini yanada mustahkamlash maqsadida tashkil etilgan «Do'stlik» sport festivali doirasidagi tadbirlar erta tongdan ommaviy badantarbiya mashqlari hamda «Sog'lom hayot uchun 5000 qadam» loyihalari bilan boshlandi. Ertalabki ommaviy jismoniy tarbiya tadbirlarida 600 nafarga yaqin talaba faol ishtirok etdi.

SHuningdek, kun davomida talaba yoshlar mini futbol, shaxmat-shashka, armrestling sport turlari, qolaversa milliy sport turlaridan arqon tortish va tosh ko'tarish bo'yicha o'zaro bellashdi.

Musobaqalarda 300 nafarga yaqin talaba yoshlar ishtirok etdi. Sport festivali yakunida g'olib va sovrindorlar Xorazm viloyat jismoniy tarbiya va sport boshqarmasining diplom va medallari bilan taqdirlandilar.

Xorazm viloyatida «Sport haftaligi» doirasidagi sport tadbirlari davom etmoqda.