Sport jamoatchiligi Mustaqillik va ezgulik monumentiga gulchambar qo'ydi

Joriy yilda “Jonajon O'zbekistonim, mangu bo'l omon!” degan ezgu g'oya asosida nishonlanayotgan eng ulug' va eng aziz bayram – Mustaqillik kunini mamlakatimiz sport jamoatchiligi ham o'zgacha kayfiyatda kutib olishdi.

Quvonarlisi, ushbu sana arafasida bir qator sport turlari bo'yicha o'tkazilgan eng nufuzli musobaqalarda atletlarimiz shohsupaga ko'tarilib, o'z g'alabalarini Istiqlol ayyomiga bag'ishlashmoqda.

Xususan, yaqinda Vengriyada bo'lib o'tgan baydarka va kanoeda eshkak eshish bo'yicha jahon chempionatida terma jamoamiz azolari bronza medali va Tokio-2020 yozgi Olimpiya o'yinlari yo'llanmasiga ega chiqqan bo'lsa, parakanoechilarimiz erishgan muvaffaqiyatlar bundanda salmoqli bo'ldi. 

SHuningdek, dzyudo bo'yicha Yaponiyada hali davom etayotgan jahon chempionatida terma jamoamiz azosi SHarofiddin Lutfullaev kumush medalga sazovor bo'ldi. Xullas, faxr va g'urur qilishga arzigulik yutuqlarimiz talaygina.

Malumki, har yili 31 avgustda turli vazirlik, idora va tashkilotlarning markaziy apparati xodimlari hamda faollari Mustaqillik maydoniga tashrif buyurib, hurriyatimiz, porloq istiqbolimiz va ezgu niyatlarimiz ramzi bo'lgan Mustaqillik va ezgulik monumentiga gulchambar qo'yishadi. Jumladan, bugun Jismoniy tarbiya va sport vazirligi hamda Toshkent shahar jismoniy tarbiya va sport boshqarmasi xodimlari, sport faxriylari hamda taniqli sportchilardan iborat jamoa ham Mustaqillik va ezgulik monumenti poyiga gulchambar qo'ydi.

Takidlash joiz, mustaqil mamlakatda, tinchlik hukmron joyda taraqqiyot bo'ladi, yuksalish bo'ladi. Mustaqilligimizning yigirma sakkiz yilligi keng nishonlanayotgan shu ulug' kunlarda buni sport jamoatchiligi yanada teran his qilmoqda, desak aslo mubolag'a bo'lmaydi. O'z navbatida yurtimiz atletlari bunga javoban xalqaro maydonlarda erishayotgan olamshumul g'alabalari ila mustaqilligimizni yanada mustahkamlashga o'z hissalarini qo'shishmoqda.