Sport kurashlari bo'yicha O'zbekiston chempionatida bir qancha rossiyalik sportchilar ishtirok etib, g'olib va sovrindor bo'lishmoqda

Qizig'i, O'zbekiston chempionatida yunon-rum va erkin kurash bellashuvlari doirasida bir qancha vazn toifalarida rossiyalik sportchilar bahslarda ishtirok etishdi va g'olib-sovrindorlar qatoridan joy olishdi. Ular musobaqada qay maqsadda ishtirok etishayotgani yoki terma jamoaga jalb qilinishi haqida hozircha xabarlar mavjud emas.

Yunon-rum kurashi:

-130 kg:

Oltin: Rafael Cicuashvili.

Erkin kurash:

-65 kg: 

Oltin: Alik Xadarcev.

-86 kg:

Oltin: Magomed Nurov

Bronza: Ali Nurov.

-97 kg:

Oltin: Alixan Kcoev.

Sportchilarning barchasi O'zbekiston chempionatida Respublika olimpiya va paralimpiya sport turlariga tayyorlash markazi nomidan ishtirok etishdi. Ularning bir qanchasi taniqli bo'lib, Rossiya chempionati sovrindorlari hisoblanishadi.

Avvalroq, yunon-rum kurashi bo'yicha O'zbekiston terma jamoasiga Rustam Assakalov, erkin kurash terma jamoamizga esa Olimpiada chempioni Razambek Jamalovning ustozi Musa Saydulbatalov bosh murabbiy etib tayinlangan edi.