Sport kurashlari bo'yicha terma jamoalarimiz onlayn mashg'ulotda qatnashishdi + FOTO

Bugun sport kurashlari bo'yicha terma jamoamiz vakillari navbatdagi onlayn mashg'ulotni o'tkazdi. Mashqlarni murabbiy Aziz Ulaxunov olib bordi. Mazkur jarayonni MOQ hamda O'zbekiston sport kurashlari associaciyasi rahbariyati ham bevosita kuzatib bordi.

Aziz Ulaxunov dastlab engil chigalyozdi, so'ngra yuklama mashqlarini namoyish qildi. SHundan so'ng kurash texnikasiga oid harakatlar bajarib borildi. Sportchilarning harakatlarini erkin, yunon-rum va ayollar kurashi bo'yicha terma jamoamiz murabbiylar shtabi kuzatib bordi. Mashg'ulotlarda 30 ga yaqin sportchi ishtirok etdi.

Sport kurashlaridagi har bir yo'nalish yakkakurash turi bo'lib, bunda sportchilar raqibni his qilishlari talab qilinadi. SHu nuqtai nazardan murabbiylar shtabi MOQ rahbaridan qachondan o'quv-mashg'ulot yig'inlarini boshlash haqida maslahat so'rashdi. O'z navbatida MOQ prezidenti Rustam SHoabdurahmonov bu borada o'z fikrlarini bildirib o'tdi.

“Avvalo, karantin kunlarida ham mana shunday mashg'ulot olib borayotganingiz uchun barchangizga tashakkur aytib qolaman. Hozirgi kunda vaziyatni barchamiz ko'rib turibmiz. Hukumatimiz terma jamoalarimizning o'quv-mashg'ulot yig'inlarini doimo qo'llab kelgan. Biroq ayni pallada yig'in tashkil qilishning mavridi emas, deb hisoblayman. Boisi bu borada Respublika maxsus komissiyasining ham qarori bor. Karantin cheklovlari yumshatilib, maxsus komissiyaning o'quv-mashg'ulot yig'ini uchun rasmiy ruxsat berishini kutishni taklif qilaman”, – dedi Rustam SHoabdurahmonov.